Deputetja e Lidhjes Demokratike të Kosovës, Hykmete Bajrami, tha se kontratat njëburimore janë burim i korrupsionit, raporton teve1.info
Gjatë paraqitjes së pikës së vetme në seancën parlamentare të sotme, e cila ka të bëjë me Shqyrtimin e Propozim-rezolutës për numrin e madh të kontratave njëburimore të nënshkruara gjatë mandatit të Qeverisë Kurti, Bajrami tha se këto kontrata janë ndërhyrje e shtetit në ekonominë e tregut.
“Sipas komisioni rrgullativ të Prokurimit Publik, gjatë këtij mandati janë nënshkruar mbi 1800 kontrata njëburimore në vlerë mbi 240 milionë euro. Rreth 1 e 3 e buxhetit të shtetit, taksave dhe tatimeve shpenzohen përmes prokurimit publik. Ligji i prokurimit bazohet në parimet e ekonomisë së tregut, efikasitetit, trajtimit të barabartë. Mënyrë efikase transparente të shfrytëzimit të fondeve publike. Buxheti i shtetit dëmtohet me kontrata burimore sepse nuk merret vlerë par para, kjo është ndërhyrje e shtetit në ekonominë e tregut dhe ndikon në deformimin e konkurrencës së drejtë e mbi të gjitha këto kontrata janë burim i korrupsionit”, tha Bajrami.