Ka filluar takimi mes përfaqësuesit të posaçëm të Shteteve të Bashkuara të Amerikës për Ballkanin Perëndimor Gabriel Escobar dhe përfaqësuesve opozitarë, shkruan teve1.info.
Ky takim po mbahet në rezidencën e ambasadorit amerikan Jeffrey Hovenier në Prishtinë.
Në këtë takim Aleanca për Ardhmërinë e Kosovës po përfaqësohet nga kryetari Ramush Haradinaj, kështu kanë konfirmuar për Tëvë1 nga kjo parti.
Ndryshe, Escobar gjatë ditës u prit nga presidentja e vendit, Vjosa Osmani
Pas takimit Osmani ka thënë Kosova do të punojë krahë për krahë me aleatët, në veçanti me ShBA-të, që kufiri të jetë i sigurt dhe të parandalohen sulme si ai në Banjskë.
Osmani tha se me SHBA-të në krahë, çdo përpjekje e Serbisë do të dështojë, ashtu siç ka dështuar edhe me 24 shtator në Banjsk.
Derisa Escobar Escobar nga konferenca e përbashkët me presidenten e Kosovës, Vjosa Osmani ka falënderuar institucionet e Kosovës për vendimin e sotëm për Manastirin.
“Është shumë e rëndësishme vendimi i sotëm për Manastirin, ishte hap i domosdoshëm, sa ishte i vështirë. I falënderojmë institucionet e Kosovës për këtë hap”, është shprehur ai.
Më tej, Escobar duke folur mbi sigurinë në Kosovë, kërkoi nga Serbia që përgjegjësit e sulmit të 24 shtatorit të vihen para drejtësisë.
“Patëm bisedë edhe për çështjen e sigurisë, jemi tepër të shqetësuar për ngjarjet e 24 shtatorit dhe presim e ftojmë Serbinë që të gjithë ata që janë përgjegjësitë të dalin para drejtësisë e te japin llogari të plotë për atë sulm”, shtoi ai.
Ndërkaq, Ecobar e quajti Osmanin si karakterin kryesor për trashëgiminë e marrëdhënieve bilaterale mes ShBA-së dhe Kosovës.
Ai tha se kjo trashëgimi mes dy vendeve, duhet të vazhdojë të forcohet.