Kryetari i Komunës së Deçanit, Bashkim Ramosaj ka reaguar pas vendimit të qeverisë për dhënien e 24 hektarëve tokë nën administrimin e manastirit, duke thënë se kjo është një goditje për Deçanin.
Ramosaj ka shkruar se Deçani u godit padrejtësisht nga një Urdhër Ekzekutiv i Kryeministrit të Republikës së Kosovës, Albin Kurti.
Ai thotë se ka tre vite që e pret kryeministrin Kurti të flas për këtë temë.
“Deçani përsëri goditet padrejtësisht, kësaj radhe nga një Urdhër Ekzekutiv i Kryeministrit të Republikës së Kosovës, z. Albin Kurti! Deçani së pari është goditur padrejtësisht në vitin 2008, kur u krijua ‘Zona e Veçantë e Mbrojtur’, ka shkruar ai në Facebook. /teve1.info/
