Ambasadori i Gjermanisë në Prishtinë, Jorn Rohde, ka reaguar pas vendimit të sotëm të Qeverisë për kalimin e 24 hektarëve tek Manastiri i Deçanit, duke e quajtur këtë si një moment historik.
Rohde ka thënë se vendimi i Gjykatës Kushtetuese të Kosovës është shumë i vonuar, por ai shënon një hap të rëndësishëm të Kosovës për sundimin e ligjit.
Ambasadori gjerman, po ashtu ka falënderuar të gjithë aktorët politikë, përfshirë edhe Manastirin e Deçanit.
“Vendimi i Deçanit ishte shumë i vonuar, ai shënon një hap të rëndësishëm në angazhimin e Kosovës për sundimin e ligjit. Urojmë Qeverinë e Kosovës, të gjithë aktorët politikë të përfshirë dhe Manastirin e Deçanit në këtë moment historik”, ka shkruar Rohde në platformën X. /teve1.info/
It’s finally done🙌🏽
Even though the implementation of the 🇽🇰 @Const_CourtRKS‘s Decani ruling was long overdue, it marks an important step in 🇽🇰’s commitment to rule of law⚖️. We congratulate the 🇽🇰 government, all political actors involved & the @DecaniMonastery on this milestone— Ambassador Jörn Rohde (@GermanAmbKOS) March 13, 2024
