Shefi i qeverisë kumtoi këtë lajm të martën në konferencë herët në mëngjes.
E kjo ishte kryetemë e diskutimit në shoqëri.
Opozita e kritikoj për vendim e disa nga qytetarët ironizuan me këtë shifër.
Por megjithatë këto 100 euro po mirëpriten nga qytetarët.
“Më vjen shumë mirë që e kanë pas konsideratë…, edhe 1 euro me na dhanë do ta marrim prej Qeverisë se përndryshe kurrë kush s’është kujtua për neve me na dhanë. Kurgjo kurgjo bile njo 10 iftara na hekin”, tha qytetari Rexhep Garaj.
Edhe Vlora Gjinovci, studente thotë se të paktën do ua lehtësoj shpenzimin për muajin prill.
“Është shumë i mirë të paktën për student, t’u e marrë parasysh që shumë shpenzime, për një muaj mundemi me i kalu”, tha ajo
E një çift ka treguar se tre anëtarë në familjen e tyre do marrin ndihmën e ekzekutivit.
“Për mua është një vendim i qëlluar nga Albin Kurti. Na ka lehtësua, se unë e kom edhe vajzën studente edhe ajo i merr 100 euro edhe kështu 300 euro në familje brenda muajit janë të mirëseardhura”, tha ai
Vendimi erdhi pas ngritjes së çmimeve në produktet ushqimore.
Kjo ngritje po vazhdon tash e sa javë, e çmimet më të ngritura përfshijnë produktet esenciale.
Raport Valëza Sylejmani.
