Qeveria e Kosovës sot i ka dhënë të drejtë Agjencionit Kadastral që ta zbatoj vendimin e Gjykatës Kushtetuese të Kosovës për Manastirin e Deçanit. E një vendim të tillë po e konsideron të vështirë, por të domosdoshëm, emisari amerikan, Gabriel Esocbar.
Escobar nga konferenca e përbashkët me presidenten e Kosovës, Vjosa Osmani ka falënderuar institucionet e Kosovës për vendimin e sotëm për Manastirin.
“Është shumë e rëndësishme vendimi i sotëm për Manastirin, ishte hap i domosdoshëm, sa ishte i vështirë. I falënderojmë institucionet e Kosovës për këtë hap”, është shprehur ai.
Më tej, Escobar duke folur mbi sigurinë në Kosovë, kërkoi nga Serbia që përgjegjësit e sulmit të 24 shtatorit të vihen para drejtësisë.
“Patëm bisedë edhe për çështjen e sigurisë, jemi tepër të shqetësuar për ngjarjet e 24 shtatorit dhe presim e ftojmë Serbinë që të gjithë ata që janë përgjegjësitë të dalin para drejtësisë e te japin llogari të plotë për atë sulm”, shtoi ai.
Ndërkaq, Ecobar e quajti Osmanin si karakterin kryesor për trashëgiminë e marrëdhënieve bilaterale mes ShBA-së dhe Kosovës.
Ai tha se kjo trashëgimi mes dy vendeve, duhet të vazhdojë të forcohet.
“Faleminderit zonja Presidente për mikpritjen e ngrohtë në Kosovë. Ju jeni karakteri kryesor dhe trashëgimia e marrëdhënieve bilaterale mes SHBA-së dhe Kosovës dhe dua të them se kjo trashëgimi është e bazuar në një përkushtim të qëndrueshëm për sigurinë, integritetin territorial dhe pavarësinë e Kosovës dhe do të vazhdojmë ta forcojmë këtë marrëdhënie”, u shpreh ai në konferencë. /teve1.info/
