Policia e Kosovës ka dhënë detaje rreth zjarrëvënies në Gjykatën Themelore në Ferizaj-dega në Kaçanik, raporton teve1.info
Sipas Policisë, ekipi i zjarrfikësve ka dalë në vendin ngjarjes dhe e ka lokalizuar zjarrin derisa si pasojë janë shkaktuar vetëm dëme materiale.
Sipas Policisë, dyshimet janë për zjarrëvënie nga persona të panjohur deri më tani.
“Ju informojmë se sot më 13 mars 2024, rreth orës 04:00 të mëngjesit, zjarri ka kapluar një pjesë e dy zyrave të katit të II-të të objektit të Gjykatës Themelore në Ferizaj – Dega në Kaçanik. Ekipi i zjarrfikësve dhe policia kanë dalë menjëherë në vendin e ngjarjes me çka është lokalizuar zjarri, janë ndërmarrë masat e nevojshme dhe zjarri është shuar si dhe kanë zhvilluar procedurat dhe marrjen e provave. Si pasojë e zjarrit ka pas dëme materiale por jo pasoja me njerëz. Sipas të dhënave të Organeve kompetente dyshohet për zjarrëvënie nga persona të panjohur deri më tani”, thuhet në komunikatë.
