Kryeministri i vendit, Albin Kurt ka kujtuar demonstratat e vitit 1981 për të cilat tha se ishin revoltë gjithëpopullore ndaj një periudhe të gjatë ku shqiptarët në Jugosllavi ishin të nënpërfaqësuar, të diskriminuar e të shtypur.
Kurti tha po ashtu, se nga ky reagim u ngjiz një lëvizje e tërë e aktivimit politik.
“Demonstratat e vitit 1981 ishin revoltë gjithëpopullore ndaj një periudhe të gjatë ku shqiptarët në Jugosllavi ishin të nënpërfaqësuar, të diskriminuar, të shtypur, të eksploatuar ekonomikisht, të kufizuar në të drejta kulturore dhe politike. Kështu, Kosova ishte lënë si zona më e pazhvilluar dhe më e prapambetur në Jugosllavi, porsi një koloni”, shkroi ai në Facebook.
Më tej, ai u shpreh se këto demonstrata, e nxorrën parullën popullore “Kosova Republikë”, që për vite do të vazhdonte të shkruhej edhe si shkurtesë “KR”, nëpër mure e rrugë. /teve1.info/
