Komisioni Qendror i Zgjedhjeve (KQZ) ka vendosur që më 21 prill të mbahet votimi për shkarkim të kryetarëve në katër komunat në veri, Mitrovicë të Veriut, Leposaviq, Zveçan dhe Zubin-Potok.
E për këtë zëvendëskryesuesi i Kuvendit Komunale në Mitrovicën e Veriut, Skender Sadiku ka thënë se e sheh të vështirë që në votimin e 21 prillit të këtë mobilizim si në rastin e peticionit.
Ai ka thënë se nëse arrihet 50 % e që sipas tij është shumë problem, atëherë rrëzohen kryetarët aktual dhe komunat shkojnë në zgjedhje të jashtëzakonshme.
“Vështirë që do të këtë një mobilizim të tillë – që ishte edhe në ditën e peticionit…Është problematike pasi numri i banorëve real do të këtë problem edhe mobilizimi që ka qenë për 20 % nuk do të mund të jetë. Mendojë se realisht ky 50% + 1 me banorë rezident gati do të jetë që dalin 80-90% të popullatës. Shto këtu që Komuna Veriore e Mitrovicës është komunë urbane, në katër komunat veriore numri i banorëve joserb… arrin 15-20 % dhe kjo e rrit prapë atë numrin e nevojshëm të qytetarëve serbë të cilët duhet të dalin për arritur numrin. Për mua është një mision shumë problematike të arrihet mirëpo në anën tjetër kjo në teren po sjellë një qetësi dhe ide më të mirë, sepse është më mirë të ketë peticione…”, ka thënë ai në emisionin “Ditari” në Tëvë 1.
Ai ka thënë se nuk pret që të këtë telashe dhe parregullsi gjatë këtij votimi dhe nëse nuk arrihet numri atëherë duhet pritur një vit për një peticion tjetër./teve1.info