Komisioni Qendror i Zgjedhjeve (KQZ) ka vendosur që më 21 prill të mbahet votimi për shkarkim të kryetarëve në katër komunat në veri, Mitrovicë të Veriut, Leposaviq, Zveçan dhe Zubin-Potok.
Përfaqësuesi i Partisë Demokratike të Kosovës në KQZ, Arianit Elshani ka thënë se KQZ nga një institucion i pavarur kushtetues, sot u shndërrua në një agjenci të Presidencës, MAPL dhe vegël e pushtetit.
Ai tha se data votimit do duhej të caktohej nga Presidentja e vendit, e asesi nga KQZ.
“Vendimi i sotëm është në Kundërshtim me Ligjin për Zgjedhjet e Përgjithshme, Ligjit për Zgjedhjet Lokale, Ligjit për Vetqeverisje Lokale dhe mandatin Kushtetues të KQZ”, ka shkruar ai.
