Ministri i Punëve të Brendshme, Xhelal Sveçla sot kur po shënohet 8 Marsi, ka thënë se po punohet që secili vrasës mizor i vajzave e grave të sillet me shpejtësi para drejtësisë.
Sveçla, ka shkruar se 8 Marsi është data që na e përkujton përpjekjen e pareshtur për barazi e drejtësi.
Si Ministri e Punëve të Brendshme, jo vetëm sot, por çdo ditë, po punojmë që secila grua të jetojë e veprojë e sigurtë në vendin tonë ashtu që edhe secili vrasës mizor i vajzave e grave të sillet me shpejtësi para drejtësisë e të marrë dënimin e merituar. 8 Marsi është data që na e përkujton përpjekjen e pareshtur për barazi e drejtësi. 8 Marsi është thirrje për bashkëveprim të pandalshëm që çdo vajzë e çdo grua të jetojë me dinjtet, e barabartë, e sigurtë dhe e mbrojtur”, ka shkruar ai në Facebook.
Po ashtu, ministri Sveçla ka thënë se rezistenca dhe kontributi i vajzave dhe grave në historinë e popullit tonë mbetet shembulli më i mirë që secili prej nesh kemi para vetes.