Deputetja e Partisë Demokratike të Kosovës, Eliza Hoxha, tha se është shqetësuese mungesa a dialogut në mes të Qeverisë dhe mësimdhënësve, raporton teve1.info
Gjatë fjalimit të saj në Kuvendin e Kosovës, Hoxha tha se gjatë dy muajve të fundit nga Kosova janë larguar rreth 600 mësimdhënës.
“Sot në liri e pavarësi mungesa e vëmendjes së Qeverisë ndaj ofrimit të kushteve me të mira për mësimdhënësit është shqetësuese. Duke neglizhuar kushtet e tyre të punës, Qeveria zvogëlon vlerën e punës së tyre të pa lodhur. Shpreh revoltën time për mos trajtimin e arsimit si prioritet. Ju e injoruat atë e anashkaluat, i bullizuat përfaqësuesit e tyre. Greva e sindikalisteve, injorimi i kërkesave të tyre dhe mungesa e dialogut vazhdon dhe mbetet shqetësim. Rezultati në PISA është me keq se sa ishte në 2018. Sot në liri, mësimdhënësit vetëm në dy muajt e fundit, 600 prej tyre janë larguar nga Kosova”, ka thënë Hoxha.
