Kryetari i Lidhjes Demokratike të Kosovës, Lumir Abdixhiku, në fjalën e tij në sesionin hapës të Kongresit të Partive Popullore Evropiane, ka theksuar rreziqet e sigurisë nga Serbia si dhe nevojën për njohjen e pesëshes mos njohëse.
Para delegatëve e liderëve evropianë të djathë, Abdixhiku ka thënë se partia e tij mbetet gardiane e demokracisë dhe relacioneve me aleatët.
“Para delegtëve e liderëve evropiane të djathtë, shtrova pikëpamjet politike të Lidhjes Demokratike të Kosovës, mbi rrugëtimin tonë origjinal euroatlantik, rreziqet e sigurisë nga Serbia, nevojën e menjëhershme për njohjet e pesëshes; sikurse dhe betejën tonë të përbashkët evropiane kundër popullizmit! LDK-ja mbetet gardiane e demokracisë dhe relacioneve me aleatë. E ardhmja jonë është Evropa. Aty duhet ta ankorojmë vendim tonë, si testament për të shkuarën, si obligim për të ardhmen!”, thuhet në postimin e Abdixhikut.
Po ashtu, Abdixhiku ka thënë se e djathta evropiane do të garojë si favorite në zgjedhjet e ardhshme Evropiane.
“Fitorja e saj është siguri për Republikën e Kosovës, Ballkanin Perëndimor dhe vet projektin e Bashkimit Evropian”., thuhet në përfundim./teve1.info/.
