Kryetari i AAK-së, Ramush Haradinaj sot është takuar me ambasadorin e Belgjikës Gregoire Cuvelier.
Haradinaj përmes një postimi në Facebook, tha se Belgjika i ka qëndruar përkrah Kosovës, dhe sipas tij, Kosova është e përkushtuar që të fuqizojnë këtë miqësi.
Tutje, Haradinaj i kërkoi ambasadorit që Kosova të ketë mbështetje në anëtarësimin në NATO dhe BE.
“Në takimin që pata me z. Gregoire Cuvelier, ambasador i Belgjikës në Kosovë, biseduam për zhvillimet politike në vend. Me këtë rast, shpreha falënderimin ndaj ambasadorit Cuvelier për përkrahjen e vazhdueshme të tij dhe të shtetit belg, si dhe kërkova që kjo mbështetje të vazhdohet edhe më tutje në përkushtimin tonë për të qenë pjesë e familjes së madhe Evropiane dhe anëtare e NATO-s”, ka shkruar Haradinaj./teve1.info/