Kryetari i Partisë Demokratike të Kosovës, Memli Krasniqi, tha se datat 5,6 dhe 7 mars 1999 zgjuan vetëdijen kombëtare dhe morën vëmendjen ndërkombëtare për luftën e Ushtrisë Çlirimtare të Kosovës, raporton teve1.info
Krasniqi gjatë homazheve në Prekaz të Skenderajt, tha se kjo kryengritje popullore pastaj rezultoi me luftën për liri dhe ndërtimin e shtetit të Kosovës.
“Gjatë Epopesë së UÇK-së kujtojmë të këto data të cilat shënojnë kthesën më të madhe të historisë së kombit tonë sepse ato kur ndodhën në vitin 1999 jo vetëm që zgjuan vetëtijnë tonë kombëtare por për herë të parë morën vëmendjen ndërkombëtare gjë që ndihmoi pastaj në masivizimin e luftës çlirimtare të UÇK-së dhe kryengritjes popullore e cila rezultoi pastaj me çlirimin tonë e më vonë edhe ndërtimin e shtetit që e kemi”, tha ai.
Krasniqi shtoi se është obligim i popullit të Kosovës që të kujtoj me respekt sakrificën siç e quajti ai titanike të familjes Jashari me në krye kryekomandantin Adem Jashari.
“Andaj e kemi obligim jo vetëm ta kujtojmë me nder e krenari, nder e respekt sakrificën titanike të Adem Jasharit me familje por edhe të frymëzohemi gjithmonë nga kjo sakrificë e lavdishme për të bërë punë të mira për vendin tonë dhe qytetarët tonë. Lavdi”, tha Krasniqi.