Ka vdekur një ushtar i KFOR-it turk që shërbente me mision në Kosovë, raporton teve1.info
Lajmin e bëri të ditur zyra për medie e KFOR-it parmes një komunikate, ku tha se shkaku i vdekjes ende nuk dihet.
“Ka ndërruar jetë gjatë gjumit një ushtar i Ushtrisë Turke i punësuar në misionin e KFOR-it të udhëhequr nga NATO, në Ekipin Monitorues Ndërlidhës të Gjilanit. Shkaku i saktë i vdekjes së tij ende nuk është konfirmuar. Ushtari shërbeu me dallueshmëri dhe kontribuoi me shërbimin e tij të përditshëm në përpjekjet e vazhdueshme të KFOR-it drejt sigurisë së qëndrueshme në Kosovë. Përkushtimi dhe angazhimi i tij në mision do të kujtohen dhe nderohen gjithmonë. Janë njoftuar familjarët e ushtarit të ndjerë. Komandanti i KFOR-it, gjeneralmajor Özkan Ulutaş, ka shprehur ngushëllimet e tij të përzemërta: Shpreh ngushëllimet e mia të sinqerta për këtë humbje tragjike. Shpreh ngushëllimet e mia të sinqerta për këtë humbje tragjike. Mendimet e mia janë me familjarët dhe miqtë e ushtarit të ndjerë. Humbja e tij ndihet në të gjithë komunitetin e KFOR-it. Ne do ta nderojmë kujtimin e tij përmes angazhimit tonë të palëkundur ndaj misionit të KFOR-it”, thuhet në komunikatën e KFOR-it.
