Mbi 1 miliardë e 300 milionë euro janë regjistruar nga Banka Qendrore e Kosovës të hrat nga diaspora gjatë vitit 2023, raporton teve1.info
Sipas njoftimit të BQK-së, kjo ka shënuar një rritje vjetore prej 10 për qind të këtyre të hyrave buxhetore në Kosovë.
Ndërkohë, në muajin janar të vitit 2024, remitancat ishin rreth 84.6 milion euro.
“Prurjet më të mëdha edhe gjatë këtij muaji kanë qenë përmes IFJB 63.3%, përmes bankave 19.4%, ndërsa kanalet tjera 17.3. Remitancat deri në fund të dhjetorit 2023 arritën vlerën rreth 1,343.4 milionë euro, e cila paraqet rritje vjetore prej 10%. Asetet e kompanive të sigurimit në fund të muajit janar 2024 arritën vlerën 312.2 milionë euro, e cila përfaqëson rritje për 6.8 milionë euro krahasuar me muajin paraprak. Asetet e fondeve pensionale në fund të muajit janar 2024 janë rritur për 41 milionë euro krahasuar me muajin paraprak duke shënuar vlerën rreth 2.75 miliardë euro”, thuhet në komunikatë.