Deputeti i PDK-së, Bekim Haxhiu, ka thënë se sot kryeministri, Albin Kurti duhet të ishte në seancë të Kuvendit, pasi siç tha ai për të dhënë përgjegjësi për dështimet në shëndetësi.
Ai tha se në këtë Qeveri është normale të abuzohet.
“Sot në këtë debat duhet që të ishte prezent, kryeministri Kurti…për të dhënë përgjegjësi për dështimin në shëndetësi edhe si kryeministër edhe si kryetar i komitetit ekzekutiv për shëndetësi. Kurti sot do duhej të jepte llogari për degradimin e sistemit shëndetësor, pabarazinë, pakënaqësinë e pacienteve dhe profesionistëve shëndetësorë. Njëri nga ata sot është në grevë urie tani e tri ditë, dhe Qeveria dhe Ministria e Shëndetësisë lëre që nuk brengosën për kërkesat e profesionistëve shëndetësor, por as për shëndetin e Eliratit…Skandale e hajni, korrupsion e keqpërdorime pa dhënë askush llogari, as kur shtatzëna vritet para Gjinekologjisë, as kur gjymtohet trupi i foshnjës së vdekur në lavatriçen e spitalit të Pejës, as kur digjet pacienti në Klinikën e Psikiatrisë…”, deklaroi ai gjatë fjalimit në Kuvendin e Kosovës./teve1.info
