Bayern Munich po punon për një plan B në rast se punësimi i Xabi Alonso si trajner i ardhshëm nuk realizohet.
Sipas raportimeve nga gazetari gjerman Florian Plettenberg i Sky Sports Gjermania, klubi po shikon nga afër Roberto De Zerbi si një alternativë e mundshme për të zëvendësuar Thomas Tuchel në fund të sezonit.
Edhe pse Xabi Alonso ka qenë objektivi kryesor i Bayernit, klubi po shqyrton edhe opsione të tjera në rast se ardhja e tij nuk realizohet.
Ndër kandidatët alternativë është trajneri italian De Zerbi, i cili ka mbështetjen pozitive të drejtorit sportiv Max Eberl, një figurë e rëndësishme brenda klubit.
De Zerbi, 44 vjeç, aktualisht është i lidhur me Brighton, por e ardhmja e tij në klubin anglez mund të jetë në dyshim për shkak të një klauzole lirimi prej 20 milionë funte në kontratën e tij.
Krahas kësaj, Barcelona ka synuar edhe trajnerin italian si pasardhës i mundshëm i Xavi Hernández, i cili do të largohet nga klubi në fund të sezonit.
Kandidat serioz për pankinën e Bayernit shfaqet edhe Hansi Flick, duke treguar se klubi bavarez po shqyrton opsione të ndryshme për të gjetur trajnerin e duhur për të drejtuar skuadrën në fazën tjetër.
Me Xabi Alonson si opsion të parë, De Zerbi pozicionohet si një alternativë solide në rast se plani fillestar nuk realizohet.
