Zëvendëskryeministri i parë i Republikës së Kosovës, Besnik Bislimi ka pritur sot në takim emisarin e Gjermanisë për Ballkanin Perëndimor, Manuel Sarrazin, shkruan teve1.info.
Në njoftim thuhet se palët diskutuan për situatën në vend dhe zhvillimet e fundit politike. Derisa me theks të veçantë thuhet se është diskutuar për sanksionet e BE-së ndaj Kosovës për të cilat Bislimi kërkoi të hiqen sa më parë.
“Palët diskutuan mbi situatën në vend dhe rajon dhe zhvillimet e fundit politike. Një prej temave të adresuara ishte edhe masat ndëshkuese ndaj Kosovës, ku zëvendëskryeministri Bislimi theksoi se ato vijojnë të jenë të padrejta dhe se duhet të hiqen sa më pare”, thuhet në njoftim.
Më tej thuhet se “Republika e Kosovës e çmon dhe vlerëson lart partneritetin, bashkëpunimin dhe miqësinë e ngushtë me Gjermaninë”./teve1.info./