Oficerët e Doganës së Kosovës kanë parandaluar një autobus në Vërmicë, i cili kishte tentuar në kontrabandimin e pajisjeve elektronike.
Sipas njoftimit të Doganës, pas ndalimit të autobusit personi përgjegjës ka deklaruar se posedon 7 kuti me mbajtëse të telefonit, duke deklaruar me pretendim se ka paguar edhe taksat doganore.
Sipas njoftimit, gjatë kontrollimit të kryer është hasur në mall të fshehur ku janë gjetur komplet për telefona i përbërë nga kufje, power bank, mbushës në sasi totale 500 komplete me vlerë mbi 6000 euro.
“Malli gjithashtu është kontrolluar për marka të mbrojtura tregtare, mirëpo nuk ka të stampuar logon apo përshkrim tjetër që cenon të drejtën autoriale. Mallrat ndalet përkohësisht deri në një vendim të ardhshëm nga sektori i kundërvajtjes doganore”, thuhet në njoftim./teve1.info/
