Nënkryetari i Lidhjes Demokratike të Kosovës, Lutfi Haziri, thotë se rregullorja e Bankës Qendrore të Kosovës (BQK), që largon dinarin nga përdorimi dhe lejon vetëm euron si valutë është legjitime, por e pakohë, pavend dhe pakoordinuar me aleatët ndërkombëtarë.
Sipas tij, aleatëve ndërkombëtarë iu ka humbur durimi me kryeministrin, Albin Kurti dhe se kjo situatë nuk do të kalojë pa pasoja.
Haziri ka kritikuar kryenegociatorin për dialog, Besnik Bislimi, për qasje të gabuar në këtë proces dhe gjuhë aspak diplomatike me aleatë.
“Kjo që po ndodh kohëve të fundit është legjitime, por e pakohë dhe pakohë që thuhet. Jo me takt dhe koordinim me ata që duhet të koordinohen të gjithë angazhimet, në mënyrë që mos me u prek interesi i qytetarëve, pavarësisht nacionaliteteve që ata janë. Në njërën anë, zotëri Bislimi në emër të qeverisë dhe si përfaqësues thotë se ne nuk shkojmë në Bruksel se nuk jemi pajtuar për agjendë, në anën tjetër thotë që guvernatori i BQK-së, i ka shkruar letër guvernatorit të Serbisë, pa ndërmjetësim dhe komunikim me askënd. Kosova dhe Serbia nuk kanë komunikim të drejtpërdrejt, në kuadër të parimeve krejt aktiviteti është me ndërmjetësues dhe vende neutrale. Me çfarë autoriteti, çfarë autorizimi i ka dërguar letër, në çfarë formati”, thotë Haziri.
Nënkryetari i LDK-së, vendimin për dinarin e sheh të ndërlidhur edhe me zvarritjen e zbatimit të obligimeve në dialog.
Sipas tij, “elefanti në dhomë”, është draft-statuti i Asociacionit, për çka s’po procedohet tutje nga ana e kryeministrit Kurti.
Ai kërkon nga ekzekutivi që zbatojë Marrëveshjen Bazë të Brukselit, megjithatë, Haziri potencon se Kurti dhe Vuçiq po dëshirojnë të blejnë kohë për t’i pritur zgjedhjet dhe ndryshimet në Bashkimin Evropian dhe ShBA.
i gjetë problemet dhe shqetësimet e qytetarëve. Në Prishtinë i kemi 20 mijë respodentë, nuk i kemi 1 mijë, por ne kemi bërë pak më të gjerë dhe jemi shumë më mirë në Prishtinë dhe qendrat kryesore më të mëdha…Vota e LDK-së kthyer të tjerët nuk ekzistojnë. Gara është në mes LDK-së dhe LVV-së, për vendin e parë dhe gara është për një qeverisej që ka determinuar dekadën e ardhshme. LDK-ja po punon për rikthimin e madh”, përfundon Haziri./kp
