Një banesë sot është përfshirë nga zjarri në lagjen “Mati 1” në Prishtinë.
Rastin për teve1.info, e konfirmoi zëdhënësja e Policisë për Rajonin e Prishtinës, Flora Ahmeti, teksa bëri të ditur se s’ka ndonjë person të lënduar.
“Sot rreth orës 04:30, kemi pranuar informatën për një incident zjarri në lagjen Mati 1, në Prishtinë, në një banesë. Nuk është raportuar për ndonjë person të lënduar”, thuhet në përgjigjen e saj.
Po ashtu, ajo njoftoi se në vendngjarje kanë dalë policia dhe zjarrfikësit të cilët kanë lokalizuar zjarrin./teve1.info/.
