Policia e Kosovës ka njoftuar se me urdhër të Prokurorisë Speciale ka ndërmarr një aksion në shtatë lokacione të ndryshme të Kosovës.
Bëhet e ditur se në këtë aksion janë arrestuar shtatë persona të dyshuar për vepra të ndryshme penale.
Derisa janë sekuestruar vetura, armë, municion, e mjete të konsiderueshme materiale.
“Prokuroria Speciale dhe Policia e Kosovës, njoftojnë opinionin se gjatë këtij aksioni janë sekuestruar disa vetura, armë, municion, mjete të konsiderueshme materiale, si dhe prova të tjera materiale të cilat dyshohen se janë përdorur për kryerjen e veprave penale. Aksioni është zhvilluar në shtatë (7) lokacione të ndryshme me dyshimin se personat e ndaluar janë përfshirë në kryerjen e veprave penale, ‘’Hyrje në sistemet kompjuterike’’, ‘’Mashtrimi’’ dhe ‘’Shpëlarje e parave’’”, thuhet në njoftim./teve1.info./
