Policia e Kosovës ka njoftuar se një person është plagosur sot në Vushtrri me armë zjarri.
Sipas njoftimit, incidenti kishte ndodhur pas një mosmarrëveshje, ku si pasojë tre persona kanë kërkuar tretman mjekësor në Spitalin e Vushtrrisë derisa njëri prej tyre ka pësuar lëndime nga arma e zjarrit me ç’rast është transferuar në Qendrën Klinike Universitare të Kosovës.
“Nga hetimet e para të zhvilluara, bëhet e ditur se incidenti ndërmjet të dyshuarve dhe viktimës ishte si rrjedhojë e një mosmarrëveshje e ndodhur në fshatin Sllatinë të Vushtrrisë. Veprimet policore kanë rezultuar me gjetjen e një gëzhoje në vendin e ngjarjes, ndërsa si pjesë e hetimeve të zgjeruara janë realizuar edhe bastisje, me ç’rast në njërin lokacion të të dyshuarit është gjetur dhe sekuestruar një armë e shkurtë pistoletë me nëntë (9) fishek “, thuhet në njoftim.
Me këtë rast thuhet se dy persona janë arrestuar për veprat penale ‘vrasje në tentativë’ dhe ‘ lëndim trupor’.
“Me aktvendim të prokurorit, të dyshuarit për veprën penale ‘Vrasje në tentativë’ i është caktuar masa e ndalimit policor për 48 orë, ndërsa i dyshuari për veprën ‘ lëndim trupor’ ështe liruar në procedurë të rregullt. Hetimet po zhvillohen për veprat penale ‘Vrasje në tentativë’, “Lëndim trupor” dhe ‘ armëmbajtje pa leje ‘”, thuhet tutje./teve1.info./
