“Asgjë nuk na ka befasuar sepse ju ishit dhe jeni lokomotiva kryesore e ndërtimit, zhvillimit dhe forcimit të vendit e institucioneve tona”, ka shkruar Mehaj.
Tutje Mehaj ka theksuar se periudha në të cilën po kalojmë Kosova ka nevojën për të ngritur dhe zhvilluar Ushtrinë e fortë dhe instuticionet tjera të sigurisë dhe mbrojtjes së vendit, raporton teve1.info
“Periudha në të cilën po kalojmë konfirmojnë nevojën për të ngritur dhe zhvilluar Ushtrinë e fortë dhe të gjitha institucionet tjera të sigurisë dhe mbrojtjes së vendit. E për tu realizuar ky synim, buxheti aktual është i pamjaftueshëm, prandaj donacionet tuaja në ‘’Fondi i Sigurisë’’ janë shumë të çmueshme dhe të pazëvendësueshme. Vetëm së bashku mund të arrijmë qëllimin jetik – Ushtrinë tonë të fuqishme, moderne dhe të pajisur sipas standardeve të NATO-s”, ka shkruar ministri i Mbrojtjes në Facebook.
Mehaj ka rikujtuar se Fondi i Sigurisë menaxhohet nga Ministria e Financave me transparencë dhe llogaridhënie të plotë.
