Në mbledhjen solemne të Qeverisë, kryeministri i vendit, Albin Kurti, tha se Kosova rreshtohet me kombet paqësore që mishërojnë lirinë, unitetin e solidaritetin.
Në nderim të 16-vjetorit të Pavarësisë, kryeministri tha se reformat e brendshme në sundimin e ligjit dhe suksesi i liberalizimit të vizave, janë dëshmi që Kosova po bën rrugën e duhur drejt se ardhmes së saj evropiane.
“Integrimet euroatlantike, janë sepse duhet të jenë ylli ynë polar në rrugën nga po shkojmë. Vizioni ynë është i qartë, ne rreshtohemi me kombet paqësore demokratike që mishërojnë lirinë, unitetin e solidaritetin. Kjo është arsyeja pse kemi aplikuar për anëtarësim në Këshillin e Evropës dhe në Bashkimin Evropian. Në lidhje me atë se ku jemi sot, përgjigjen rezultatet pozitive, qofshin ato reforma të brendshme në sundimin e ligjit, regresin ekonomik e shoqëror, apo në suksesin e liberalizimit të vizave, këto konfirmojnë që Kosova po bën hapat e drejtë në rrugën e duhur drejt së ardhmes së saj Evropiane”.
Kurti ka kujtuar dhe falënderuar të gjithë kontribuuesit në luftën çlirimtare dhe procesin e pavarësisë. Po ashtu ai ka falënderuar edhe parterët ndërkombëtarë.
“U jemi falënderues të gjithë atyre që kanë kontribuar në luftën tonë çlirimtare dhe në procesin tonë ta pavarësisë. Mirënjohje e veçantë partnerëve dhe aleatëve tanë ndërkombëtarë në rrugëtimin ton të përbashkët të konsolidimit të shtetit dhe subjektivitetit ndërkombëtar të republikës tonë. Gëzuar dita e Pavarësisë së Kosovës, qoftë gjithmonë republika jonë, ne i dalim zot”, tha Kurti.
Kosova sot shënon 16-vjetorin e pavarësisë së saj. /teve1.info/.
