Banka Qendrore e Kosovës, ka njoftuar se mbi 180 mijë bankënota 500-ëshe janë tërhequr nga qarkullimi.
Përmes një njoftimi, BQK ka bërë të ditur se ky është ndër efektet e drejtpërdrejta të rregullores që nga miratimi i saj, kështu duke kontribuar në arritjen e qilimit për një sistem financiar me integritet, përcjell teve1.info.
“Rregullorja për Operacione me Para të Gatshme përveç tjerash përcaktoi që të gjitha institucionet financiare bankare dhe jo-bankare janë të obliguara që të ndalojnë ri-qarkullimin e kartëmonedhës 500 euro te klientët e tyre. Banka Qendrore e Republikës së Kosovës mbetet e përkushtuar për të avancuar kornizën ligjore dhe mbikëqyrëse në zbatim të mandatit të saj kushtetues dhe në pajtim me objektivat strategjike të saj, me transparencë dhe përkushtim ndaj publikut”, thuhet tuje në njoftimin e BQK-së.
Më tej, thuhet se efekti që ka pasur rregullorja e re, ndihmon në strategjinë kombëtare kundër informalitetit dhe dukurive të ndërlidhura.
