Zëvendëskryeministri, Besnik Bislimi, të enjten mori pjesë në eventin e organizuar për Ditën Nacionale të Komunitetit Ashkali.
Në këtë event, prezent ishte edhe Kryetari i Kuvendit, Glauk Konjufca.
Gjatë fjalimit të tij, Bislimi ka thënë se të gjithë ashkalinjtë duhet të ndihen krenar për vlerat tuaja si komunitet, për arritjet aktuale dhe kontributin në Kosovë.
Në fjalën e tij, zëvendëskryeministri Bislimi theksoi se në këtë ditë kaq të veçantë, duhet të ndihemi “krenar për vlerat tuaja si komunitet, për arritjet aktuale dhe kontributin në Kosovën e suksesshme, dinamike dhe multietnike, si dhe për përfaqësimin tuaj të denjë e të përkushtuar gjatë këtyre viteve. Kosova krenohet për faktin që ka shkencëtarë/e ashkali, sportistë/e ashkali, policë/e ashkali, mësues/e ashkali, aktivistë/e ashkali, shkrimtarë/e ashkali, biznesmenë/e ashkali, dhe shumë anëtarë të tjerë të komunitetit që kontribuojnë në shtetin tonë”, ka theksuar Bislimi.
“Do të punojmë bashkërisht dhe të përkushtuar për të gjitha moshat, për një jetë sa më të mirë dhe për një shoqëri gjithëpërfshirëse e të barabartë”, ka përfunduar Bislimi.
Pjesëmarrës ishin edhe Zëvendëskryeministrja e tretë, Emilija Rexhepi, ministrja e Industrisë, Ndërmarrësisë dhe Tregtisë, Rozeta Hajdari e deputetë të Kuvendit nga radhët e minoriteteve dhe shefi i zyrës së BE-së në Kosovë, Tomas Szunyog./teve1.info/.
