Deputeti i VV-së, Nijazi Isaku ka kërkuar shkarkimin e Bordit të Komisionit të Pavarur të Mediave. Ka thënë se vendimet e këtij komisioni për kanalet serbe ka rrezikuar sigurinë nacionale dhe interesin e përgjithshëm.
“Shkarkim dhe vetëm shkarkim”, ka thënë Isaku, në mbledhjen ku po raportojnë anëtarët e KPM-së.
Deputeti i Vetëvendosjes thotë se KPM-ja rrezikoi sigurinë nacionale me kanalet serbe.
Deputeti i Vetëvendosjes, Nijazi Isaku, ka thënë se KPM ka rrezikuar sigurinë nacionale kur ka vendosur të pezullojë vendimin për ndalimin e kanaleve të “Arenas”.
Duke cituar vendimin e KPM-së, Isaku ka thënë se ndalimi i programeve serbe ishte bërë me qëllim që të mos cenohet siguria nacionale, raporton “Betimi për Drejtësi”.
“Me të vërtetë është cënu siguria nacionale dhe interesi i përgjithshëm i Republikës së Kosovës”, ka deklaruar deputeti Isaku.
“Sepse krejt dynjaja e di, krejt ky vend e di që është ataku siguria nacionale më 3 tetor. Edhe ju jeni kanë të bindur fuqishëm se është atakuar siguria dhe interesi i përgjithshëm në vend.
Çka ndryshoi?”, ka pyetur ai.
Këto komente deputeti i Vetëvendosjes i ka bërë në mbledhjen ku po raportojnë anëtarët e KPM-së.
