Ka dështuar votimi i tri propozim amendamenteve Kushtetuese për Vettingun, shkruan teve1.info.
Kjo pasi nuk pati kuorum të mjaftueshëm. Në sallë ishin 87 deputetë dhe vetëm 8 deputetë të komuniteteve nga 14 sa duhet të ishin që të ndodhte votimi.
Me ç’rast kryetari i Kuvendit të Kosovës, Glauk Konjufca tha se “në Kuvend nuk ekzitojnë kushtet për procedurën e votimit të amendamenteve kushtetuese”.
Ndryshe, deputeti i Aleancës për Ardhmërinë e Kosovës, Pal Lekaj, në fjalimin e tij paraprak ka tha se si parti i mbështesin tri (3) propozim-amendamentet Kushtetuese për Vetingun, por që sipas tij, këto ndryshime Kushtetuese nuk mund të bëhen pasi në seancë nuk merr pjesë Lista Serbe.
Ai tha se si AAK i përkrahin këto ndryshime por shtoi se për një gjë të tillë nevojiten edhe dy të tretat e minoriteteve./teve1.info./
