Mesfushori Toni Kroos pritet të jetë përforcimi i madh i skuadrës së Juventusit këtë verë.
Mediumet italiane kanë raportuar të enjten se Juventusi po e planifikon këtë lëvizje të madhe, pasi ka kohë që është në negociata me agjentin e mesfushorit gjerman.
Në fakt, thuhet se marrëveshja mes palëve është arritur në parim dhe gjithçka do të bëhet zyrtare me të përfunduar edicioni aktual.
Kroos te Juventusi do të transferohet si lojtar i lirë, pasi kontrata me Real Madridin i skadon këtë verë.
Me ekipin nga Serie A, Kroos do të firmos kontratë njëvjeçare me opsionin e vazhdimit edhe për një vit tjetër.
34-vjeçari këtë edicion ka 1 gol e 7 asistime në të gjitha garat për Real Madridin, pjesë e të cilit është prej vitit 2014 kur iu bashkua nga Bayern Munichu.
