Të dielën, Ministrja e Industrisë, Ndërmarrësisë e Tregtisë, Rozeta Hajdari, derisa ishte duke vozitur kishte goditur një fëmijë.
Më pas ajo kishte njoftuar edhe vet në rrjetin social Facebook.
Kjo u konfirmua edhe në raportin e policisë të hënën.
Gjendja shëndetësore e të miturës është e mirë.
E rasti është iniciuar në procedurë të kundërvajtjes.
“Rastit të cilit i referoheni, ju njoftojmë se pas informimit të prokurores kujdestare nga policia, bazuar në raportin mjekësor se, personi i mitur pasi ka pranuar tretman mjekësor është liruar në gjendje të mirë në shtëpi, konform dispozitave ligjore, rasti është iniciuar në procedurë të kundërvajtjes”, tha Laureta Ulaj, zëdhënëse në Prokurorinë Themelore në Prishtinë.
Ndërsa eksperti i komunikacionit, Nol Deda, fton ngasësit e automjeteve për kujdes, sidomos në zonat ku frekuentimi i fëmijëve është i theksuar.
“Për fatin tonë të keqin ndodhin këto aksidente,… por sido që të jetë ne drejtuesit e automjeteve e kemi një patentë shofer, që duhet me pasë kujdes gjithmonë ndaj kësaj kategorie”, tha ai.
Aksidenti ndodhi të dielën rreth orës 13:00 në lagjen “Arbëria” në Prishtinë, e që pasoi me reagime të shumta nga opozita dhe shoqëria civile. /teve1.info/
Raporti i gazetares, Albiona Hajdari.
