Njohës të Ekonomisë vlerësojnë se vendimi për dinarin serb nga BQK-ja nuk është shtyrë. Sipas tyre, kampanja dhjetë pikëshe e publikuar të hënën, është e vonuar. Sipas tyre, kjo ka qenë dashur të bëhet para se të ndërmerren veprime të tilla.
Vendimin që e mori kohë më parë po e mbron me çdo kusht.
Banka Qendrore e Kosovës, të hënën publikoi një plan dhjetë pikësh i cili parasheh periudhën kohore të tranzicionit për të cilin janë vendosur tre muaj.
Si pikë e parë për qytetarët e komunitet serb në katër komunat veriore, është publikimi i numrit kontaktues, ndërsa gjatë kësaj periudhe të tranzicionit, do të ketë edhe lehtësime për hapjen e llogarive të reja, si dhe zgjerimin e prezencës së degëve bankare.
“Lehtësimi i kushteve për hapjen e llogarive bankare, në raste specifike në komunat me shumë serbe, vecanërisht në katër komunat veriore, me mundësi të kompletimit të dokumenteve edhe pas hapjes dhe aktivizimit të llogarisë. Zgjerimi i prezencës me degë bankare jobankare për mbulimin me degë shtesë dhe rritje të ofrimit të shërbimeve financiare në komunat në veri të vendit. Lehtësimi i procesit të këmbimit të dinarëve me EURO nga institucionet financiare dhe këmbimore të licencuara”, thuhet në njoftimin e BQK-së.
E për këtë plan informimi për qytetarët serb, profesori i Ekonomisë, Medain Hashani, thotë se është e vonuar, sipas tij, kjo nuk i bije shtyerje e vendimit të BQK-së, ashtu siç ka kërkuar faktori ndërkombëtar.
“Nëse analizohet ky njoftim, vet fakti që potencohet që kemi një afat prej tre muaj, të bëhen këto veprime kjo nuk nënkupton, që është shtyrë pjesa e vendimit për arsyeje se, aty është bërë një plan që është bërë dhjetë pikësh, është vetëm që do të bëhet implementimi i këtyre dhjetë pikave mirëpo në asnjë pikë nuk potencohet që është shtyrë për tre muaj”, tha profesori i Ekonomisë, Medain Hashani.
E njohësi i Ekonomisë, Safet Gerxhaliu, vendimin për ndalimin e dinarit e sheh vështirë të aplikueshem, sipas tij, kjo do të shkon edhe në aspektin e dialogut, Kosove-Serbi.
“Kjo ka marrë përmasa nacionale, dhe politike, do të jetë shumë e vështirë që të arrihet një zgjidhje afatgjate do të jetë një temë që do të ketë sfida, por besoj se me një dialog të mirëfilltë me një maturi dhe profesionalizem, ka pas alternativë tjetër si të zgjidhet dhe jo në këtë mënyrë se si është vepruar. Është kampanjë e vonuar”, tha njohësi i ekonomisë, Safet Gërxhaliu.
Që nga 1 shkurti, sipas vendimit të BQK-së, nuk lejohet qarkullimi i dinarit serb, duke përfshirë edhe transportin e parave të ardhura nga Serbia.
