Tre ditë pas vendimit të Komisionit të Pavarur për Media për rikthimin e kanaleve sportive të “Arena Sport”, Komisioni për Administratë Publike, Pushtet Lokal, Media dhe Zhvillim ka thirrur për raportim KPM-në.
Deputeti nga radhët e Vetëvendosjes, Nijazi Isaku, ka kërkuar shkarkimin e Komisionit të Pavarur për Media për shkak të vendimit për rikthimin e kanaleve të “Arena Sport” në Artmotion dhe operatorë të tjerë.
Ai tha se tha se këto kanale ishin të ndaluara për transmetim për shkak të transmetimit të mesazheve ku kërcënohet Kosova dhe sot transmetimi i tyre në Kosovë është i papranueshëm.
Isaku përmendi edhe ndalimin e transmetimin të mediave serbe në ditën e djeshme në fjalimin e kryeministrit të Kosovës, Albin Kurti.
Ndërsa, kryetari KPM-së, Jeton Mehmeti tha se kemi shfuqizuar vendimin për transmetimin e “Arena Sport” për shkak se kemi garancion që një gjë e tillë nuk do të përsëritet nga të njëjtit. Si arsye tjetër është edhe kërkesa e vazhdueshme e qytetarëve për të pasur të transmetueshme kanalet e “Arena Sport”.
Mehmeti tha se KPM- ja ka marrë këtë vendim duke u bazuar në rregullore të cilat janë përmbushur.
Mehmeti theksoi se nëse ndodh ndonjë mospërmbushje e rregullave nga ana e transmetuesve të “Arena Sport”, do të përfundojnë nga pezullimi në mbyllje përfundimtare./kp/