Është hapur një fond humanitar për familjen e 18-vjeçarit, që ndërroi jetë disa ditë më parë, pasi u godit nga një veturë dhe u rrah brutalisht nga dy persona të mitur.
Përmes një postimi në Facebook, avokati Tom Gashi ka publikuar të dhënat e fondit, për të gjithë ata që dëshirojnë t`i ndihmojnë familjes Fejzullahu.
Gashi ka bërë të ditur se paratë të cilat mblidhen destinohen vetëm për vëllain dhe motrën e të ndjerit, të cilët, për arsye shëndetësore nuk mund të punojnë.
Ndryshe, 18 vjeçari me inicialet L.F., që u rrah brutalisht nga dy të rinj më 14 janar në qytetin e Podujevës ka vdekur të shtunën në Qendrën Klinike Universitare të Kosovës (QKUK), ku ishte duke marrë trajtim mjekësor.
Gjykata Themelore në Prishtinë ka vendosur masën e paraburgimit prej një muaji ndaj dy të dyshuarve për vdekjen e 18-vjeçarit nga Podujeva.