Për shkak të erërave të forta, kulmi i Komunës së Prishtinës në “Arbëri” u demolua ku për pasojë mbeti e lënduar një grua.
Lidhur më këtë rast ka reaguar edhe kryetari i Prishtinës, Përparim Rama. Ai ka kërkuar hetim të plotë nga organet kompetente.
“Si Kryetar i Kryeqytetit kërkoj nga organet kompetente që të hetojnë rastin në tërësi dhe të marrin të gjitha masat dhe veprimet në pajtim me legjislacionin në fuqi”, ka shkruar ai në Facebook.
Gjithashtu Rama ka treguar se ka kontaktuar edhe familjarët e të lënduarës. /teve1.info/
