Llapi ka shënuar fitore në ndeshjen miqësore që e zhvilloi ndaj Ulpianës. Llapjanët fituan takimin e luajtur të enjten me rezultatin 4:2. Golat për ekipin e drejtuar nga Tahir Batatina i shënuan Muhamet Hyseni (37’), Trimror Selimi, Mërgim Cërnavërni dhe Arbër Bytyqi.
Ndërkohë, Prishtina mposhti Prishtinën e Re me rezultatin 2:1. Golin e parë për Prishtinën e shënoi Hasan Hyseni në minutën e tetë, kurse të dytin Mërgim Pefqeli në minutën e 28-të. Si Llapi ashtu edhe Prishtina të shtunën do të udhëtojnë drejt Antalias për pjesën tjetër të përgatitjeve për stinorin pranveror të Superligës së Kosovës në futboll.
