Ka vdekur një grua e komunitetit serb në Shtëpinë e Pleqve në Prishtinë, raporton teve1.info
Sipas raportit policor, gruas i është përkeqësuar gjendja dhe përkundër intervenimit të stafit mjekësor, gruaja ka ndërruar jetë.
Rasti është cilësuar si hetim i vdekjes ndërsa trupi i pajetë është dërguar në Institutin e Mjekësisë Ligjore për Obduksion.
“Rr. Afrim Loxha, Prishtinë 09.01.2024 – 19:46. Një femër e nacionalitetit serb i është keqësuar gjendja derisa ishte në Shtëpinë e Pleqve. Përkundër intervenimit të stafit mjekësor e njëjta ka ndërruar jetë. Me vendim të prokurorit trupi i pajetë është dërguar në obduksion. Rasti në hetime”, thuhet në komunikatën e Policisë.
