Anthony Joshua do të boksojë kundër ish-yllit të UFC-së, Francis Nagnnou, në Arabinë Saudite, ka thënë promotori Eddie Hearn.
Ngannou humbi nga Tyson Fury në debutimin e tij në boksin profesionist në muajin tetor.
Joshua 34-vjeçar pritej të boksonte me Deontay Wilderin pasi mposhti Otto Wallinin, por humbja e amerikanit nga Joseph Parker i prishi planet.
Hearn ka postuar në rrjetet sociale se marrëveshja tashmë është arritur.
“Anthony Joshua kundër Francis Ngannou do të përplasen në një natë të madhe në Riyadh të Arabisë Saudite”, ka shkruar ai.
Si datë për t’u zhvilluar ky meç është përmendur 9 marsi, por Hearn ka thënë fillimisht se konferenca për shtyp do të mbahet në Londër më 15 janar për t’u sqaruar të gjitha detajet.
Në Arabinë Saudite më 17 shkurt do të boksojnë Fury dhe Oleksandr Usyk, për titullin e kampionit të padiskutueshëm në peshën e rëndë në boks.
Fury është kampion bote në versionin WBC, kurse Usyk është kampion i versioneve WBA, WBO dhe IBF.
