Është djegur një veturë në Gjilan.
Lajmin për teve1.info, e konfirmoi Zëdhënësi i Policisë për Rajonin e Gjilanit, Ismet Hashani, teksa bëri të ditur se përveç dëmeve materiale në veturë, s’ka asnjë person të lënduar.
Njëherit, Hashani njoftoi se me rrethanat e rastit po merren hetuesit policor.
“Me 05.01.2024 rreth orës 14:20 kemi pranuar informacion se ne rrugën “Lufta e Gjilani” në Gjilan një automjet me targa vendore është përfshirë nga zjarri. Njësitet policore kanë dalë në vendin e ngjarjes së bashku me njësitin e zjarrfikësve të cilët e kanë lokalizuar zjarrin. Perveç dëmeve materiale në automjet, lëdime trupore nuk ka pësuar askush. Rrethanat e rastit po hetohen nga hetues policor”, thuhet në përgjigjen e Hashanit.
