Kryeministri i Kosovës, Albin Kurti ka thënë se Kosova luajti më mirë se Austria në ndeshjen e zhvilluar në Prishtinë e që përfundoi më rezultat 1:1.
Sipas Kurtit, Austria kishte shumë fat dhe rezultati nuk e pasqyron atë cfarë u pa në fushë.
“Kosova luajti më mirë se Austria. Austria pati më shumë fat se Kosova. Barazimi 1:1 nuk pasqyroi çfarë pamë. Futbollistët tanë shkëlqyen si ekip me përkushtim. Duket që janë duke u bërë gjithnjë e më të mirë dhe potenciali në vijim është më i madh sesa niveli që kemi tani. Pati së paku tri shanse të tjera për gol, të tilla që na lanë pa frymë. Mbase 16-metërshi i kundërshtarit, përkatësisht realizimi ynë, do edhe pak më shumë vëmendje e vetëbesim drejt dy ndeshjeve të ardhshme në muajin nëntor, me Izraelin dhe Irlandën”, ka shkruar Kurti në Facebook.
Kosova dhe Austria janë në grupin B të Ligës së Kombeve së bashku me Irlandën dhe Izraelin.
