Yjet e Interit, Lautaro Martinez dhe Federico Dimarco përfunduan sot (e enjte) një seancë të plotë stërvitore me pjesën tjetër të skuadrës dhe pritet të jenë në dispozicion për ndeshjen e parë të vitit kundër Hellas Verona, të shtunën.
Sulmuesi argjentinas dhe mbrojtësi italian kishin munguar në dy ndeshjet e fundit të vitit 2023 për shkak të lëndimeve muskulore, por pritet të rikthehen më 6 janar 2024, kur liderët e Serie A presin Hellas Veronën në Stadio Meazza.
Sipas La Gazzetta dello Sport, të dy lojtarët u stërvitën me pjesën tjetër të skuadrës sot në mëngjes dhe megjithëse ende nuk është e garantuar se do të fillojnë ndeshjen e ardhshme, ata me siguri do të jenë në dispozicion për Simone Inzaghin.
Lautaro është golashënuesi më i mirë i Serie A me 15 gola në 16 ndeshje të ligës. Ai do të nënshkruajë një vazhdim të kontratës deri në vitin 2028 këtë muaj.
Dimarco ka tre gola dhe pesë asistime në 21 paraqitje në të gjitha garat këtë sezon dhe ka nënshkruar një marrëveshje të re deri në qershor 2027 javën e kaluar.
