Skuadra e Paris Saint-Germainit ka mbetur pa mbrojtësin Milan Skriniar për një periudhë të pacaktuar për shkak të lëndimit. Skriniar u lëndua në fitoren e Parisit 2:0 ndaj Toulouset në ndeshjen e Superkupës së Francës dhe nuk dihet për sa kohë do të qëndrojë jashtë fushe.
“L’Equipe” ka shkruar se sllovaku ka dëmtuar ligamentet e gjurit të majtë dhe për këtë arsye e ka përfunduar edicionin para kohe. Te Parisi kanë pranuar se Skriniar nuk do të rikthehet në fushë për një periudhë të gjatë, por nuk i kanë bërë të ditura detajet e lëndimit.
Shkaku i lëndimit, Skriniar u detyrua të largohet nga fusha në minutën e 70-të ndaj Toulouset.
Ai iu bashkua Parisit para fillimit të këtij edicioni si lojtar i lirë dhe deri më tani ka regjistruar 23 paraqitje dhe ka shënuar një gol në të gjitha garat.
