Një 19-vjeçar është arrestuar të mërkurën në Ferizaj, të cilit i janë gjetur një paketim marihuanë.
Sipas njoftimit të Policisë, shtëpia e të dyshuarit është bastisur, ku janë gjetur një armë zjarri me 11 fishekë, 20.80 gramë marihuanë, dy mulli për bluarje dhe një pako letra për mbështjellje të marihuanës.
Policia ka bërë të ditur se i dyshuari është dërguar në mbajtje për 48 orë.
“I dyshuari është shoqëruar në stacionin e policisë në Ferizaj dhe janë njoftuar njësia për hetimin e narkotikëve, ndërsa pas intervistimit nga policët hetues, me vendim të prokurorit kujdestar është bastisur shtëpia e tij, ku është gjetur një armë zjarri ( pistoletë) me 11 fishekë, ndërsa në oborr janë gjetur edhe dy qese të substancës narkotike me marihuanë, me peshë gjithsej 20.80 gram, dy mulli për bluarje dhe një pako letra për mbështjellje të marihuanës”, thuhet në njoftim.
