Ministri i Punëve të Jashtme të Mbretërisë së Bashkuar, David Cameron, sot do të takohet me homologen kosovare, Donika Gërvalla-Schwarz.
Takimi me Gërvallën pritet të nis në ora 08:00 të mëngjesit, ku pastaj do të ketë edhe deklarim për media.
Më tej, Cameron do ta takojë presidenten e Kosovës, Vjosa Osmanin.
Takimi me presidenten nis në orën 09:10 në Kabinetin e Presidentes.
Kjo është vizita e parë jashtë vendit në këtë vit për David Cameron. Diplomati arriti në Kosovë të mërkurën ku u takua me kryeministrin, Albin Kurti.
