Albion Rrahmani, Ermal Krasniqi dhe Florent Hasani i kanë nisur përgatitjet me Rapid Bukureshtin për stinorin pranveror të Superligës së Rumanisë në futboll.
Të tre lojtarët nga Kosova janë parë së bashku duke stërvitur të mërkurën në mëngjes, përpara se të enjten të nisen drejt Antalias.
Krasniqi e Hasani iu bashkuan Rapidit ditë më parë, ndërsa Rrahmani, pas nisjes së furishme, pësoi një lëndim në shtator që e mbajti jashtë fushave deri tash.
Hasani u transferua nga Tirana, kurse Krasniqi nga Cluji.