Vedat Muriqi nuk do të kthehet në fushën e blertë gjatë këtij muaji. Këtë e ka bërë të ditur të martën trajneri i Mallorcas, Javier Aguirre, raporton “Diario de Mallorca” të martën.
Është pritur që sulmuesi i Kosovës të fillojë me ndeshje këtë muaj. Por sipas Aguirres, kjo nuk do të ndodhë.
Ai tashmë ka munguar në shtatë ndeshje të Mallorcas pas lëndimit që e pësoi në nëntor derisa po luante me Kosovën.
“Nuk mendoj se do ta shohim Muriqin në janar”, ka thënë Aguirre në konferencë për shtyp, të martën.
Mallorca luan me Real Madridin, të mërkurën, por pa Muriqin në përbërje.
Sanimi i lëndimit të tij po merr më shumë kohë se që është menduar fillimisht.
Muriqi pritet të mungojë edhe në të paktën tri ndeshje tjera që Mallorca i ka këtë muaj.