Ndërmarrja “Prishtina Parking” së fundmi e ka ndryshuar rregulloren për parkingje publike në kryeqytet.
Kryetari i Prishtinës, Përparim Rama, bëri të ditur se banorët rezidentë nuk do të paguajnë parkimin për veturën e parë.
Mirëpo, theksoi se çmim më të lirë do të kenë për veturën e dytë.
“Të gjitha këto do të nisin të realizohen nga “Prishtina Parking” që nga ky fillim vit, për t’ju ofruar qytetarëve rregull e siguri në parkingje publike. Po ashtu në bashkëpunim me ndërmarrjet tjera publike, do të vazhdojë mirëmbajtja e parkingjeve, ku përfshihet pastrimi, larja dhe shtimi i gjelbërimit. Gjatë 2024-ës do të ketë edhe investime tjera në e nga “Prishtina Parking””, theksoi Rama.