Japonia është tronditur nga një termet i fuqishëm me magnitudë prej 7.6 shkallëve. Kjo ka bërë që kryeministri japonez të kërkoj evakuim të menjëhershëm të qytetarëve që jetojnë në zonën bregdetare. Kjo pasi një cunami i përmasave të madha mund ta godas Japoninë pas tërmetit.
Të hënën, Japonia është zgjuar nga dridhet e forta të tokës.
Kjo pasi një tërmet me magnitudë prej 7.6 shkallëve, ka tronditur vendin.
E menjëherë pas dridhjeve, në Japoni është lëshuar alarmi.
Krejt kjo me frikën se lëkundjet mund të pasohen nga një cunami i përmasave të mëdha.
Deri më tani përveç dëmeve materiale, nuk është bërë e ditur nëse ka pasur viktima.
Por, ata që e përjetuan tërmetin, kanë rrëfyer për momentet e dridhjeve të para të tokës.
“Fillimisht njerëzit u shtangën pastaj u përpoqën të arrinin në faltore. Ajo që ndodhi ishte e papritur dhe njerëzit filluan të pyesnin se çfarë të bënin. Në fund doli një prift dhe na tha të iknim. Pastaj të gjithë filluam të vrapojmë”, tha Daniel Smith, banor i Tokios.
Kjo gjendje e krijuar, ka nxjerrë në konferencë të jashtëzakonshme për media, edhe kryeministrin, Fumio Kishida.
Ky i fundit bëri thirrje për evakuim të menjëhershëm të zonës bregdetare, ndërsa njoftoi se qeveria tashmë ka përgatitur planin për t’u përballur me këtë fatkeqësi.
“Fillimisht do të doja t’i kërkoja të gjithë banorëve që të vazhdojnë t’i kushtojnë vëmendje këtij tërmeti të fortë. Nëse jeni në një rajon ku pritet një cunami, ju lutemi evakuoni sa më shpejt të jetë e mundur”, u shpreh Fumio Kishida, kryeministër i Japonisë.
Ndryshe, deri me tani është raportuar se dridhjet e para të fuqishme, janë shoqëruar me 60 pasgoditje dhe dridhje të tokës.